Ferrol é toda unha sorpresa para o viaxeiro: dende as nosas marabillosas praias, un paraíso para o surf, ata o patrimonio único do Ferrol da Ilustración, que aspira a ser Patrimonio da Humanidade, pasando pola mellor Semana Santa de Galicia, declarada de Interese Turístico Internacional, a Ruta do Modernismo ou a divertida e colorida Ruta das Meninas de street-art en Canido.
En Ferrol non esquecemos aos nosos primeiros visitantes: os peregrinos do norte de Europa e as Illas Británicas que na Idade Media chegaron por mar ao porto de Ferrol para facer o Camiño Inglés a Santiago de Compostela. Nos nosos días hai 120 km de espiritualidade e aventura, percorridos por persoas de todas as nacionalidades. Se queres facer a ruta xacobea, animámoste a probar o Camiño Inglés descubrindo Ferrol.
SON FERROL
Ferrol, todo o que unha cidade quere ser !
Os mellores areais virxes de Galicia, patrimonio cultural e industrial naval de primeiro nivel, unha zona urbana confortable, con todos os servizos e un Conxunto Histórico-Artístico, o barrio da Magdalena, cun percorrido de edificios modernistas.
Tradicións e modernidade, como a ruta da arte na rúa das Meninas de Canido, festas como a Semana Santa, con case 500 anos de historia e declarada de Interese Turístico, interesantes e variados museos, gastronomía e cidadáns ilustres como Concepción Arenal e Carvahlo Callero .
